January 3, 2021

बाँकेमा विभिन्न पार्टी तथा दलहरुका तीन सय भन्दा बढी नेताकार्यकर्ता पार्टी परित्याग गरि नेकपामा प्रवेश

सुरेश कुमार पाण्डे
१० मङ्सिर, बाँके । बाँकेको डुडुवा गाउँपालिका ३ बन्कट्टीमा आयोजित शुभकामना तथा चियापान कार्यक्रमको माध्यमबाट विभिन्न पार्टी तथा दलहरुका नेताकार्यकर्ता नेपाल कम्युनिस्ट पार्टी (नेकपा)मा प्रवेश गरेका छन ।

डुडुवा गाउँपालिकाका अध्यक्ष शकिल खानको अध्यक्षतामा बुधबार बन्कट्टी गाउँमा दशै, तिहार, नेपाल सम्बत, मोहम्मद डे तथा छठ लगायतका पर्वको उपलक्ष्यमा आयोजित चियापान, शुभकामना आदानप्रदान तथा भेटघाट कार्यक्रममा विभिन्न पार्टी तथा दलहरुमा आबद्ध तीन सय भन्दा बढी नेता कार्यकर्ताहरु पुर्व पार्टी परित्याग गरि नेकपामा प्रवेश गरेका छन।

करिब तीन हजार भन्दा बढी जनताहरुको उपस्थितिमा नेपाली काँग्रेस, जनता समाज पार्टी, राष्ट्रिय प्रजातान्त्र पार्टी, लगायतका पार्टी तथा दललाई परित्याग गरि नेकपामा प्रवेश गरेका ३०० भन्दा बढी कार्यकर्ताहरुलाई कार्यक्रमका प्रमुख अतिथि संघीय सांसद महेश्वर गहतराज ‘अथक’ ले फुल माला तथा अबिर लगाएर भव्यपुर्ण तरिकाले स्वागत गरेको कार्यक्रमका अध्यक्षले जानकारी दिनुभयो । प्रमुख अतिथिले प्रवेश गरेका नेता तथा कार्यकर्ताहरुलाई बधाई तथा अगामी दिनका लागी शुभकामना व्यक्त गर्नुभएको थियो ।

नेता सकिल खानको अध्यक्षतामा आयोजित कार्यक्रममा
प्रमुख अतिथि संघीय सांसद महेश्वर गहतराज ‘अथक’, लुम्बिनी प्रदेशका कृषि तथा भुमिसुधार मन्त्री आरती पौडेल, नेकपाको केन्द्रिय सदस्य मोहम्मद हारुन हल्वाई, ताज मोहम्मद, नेकपाका जिल्ला सचिब असोक कोइराला लगायतका जिल्लाका नेताहरुले कार्यक्रममा नव प्रवेश गरेका नेताहरु लाई स्वागत गर्दै दशै, तिहार, नेपाल सम्बत, मोहम्मद डे तथा छठ लगायतका पर्वहरुको उपलक्ष्यमा शुभकामना दिएका थिए ।

Leave a Reply

Your email address will not be published. Required fields are marked *