July 18, 2021

प्रचण्डको रास्ट्रीय स्वाधीनताको विरुद्धको अभिव्यक्ति को बिरोधमा सुखड्मा युवा बिद्यार्थी को प्रदर्शन

फागुन कैलाली । नेपाल कम्युनिस्ट पार्टी नेकपाका अध्यक्ष पुष्प कमल दाहाल प्रचण्डले दिएको अभिव्यक्ति विरुद्ध कैलालीमा विद्यार्थी आन्दोलित भएका छन् ।

एक टेलिभिजन अन्तरवार्तामा अध्यक्ष दाहालले काँग्रेस मधेसी र आफूहरू मिलेर सरकार बनाउँदा भारतलाई सहज हुने आशय व्यक्त गरेका थिए । 

राष्ट्रिय स्वाधिनता विरुद्ध बोलेको भन्दै बिद्यार्थिहरुले कैलालीको घोडाघोडीमा प्रदर्शन गरेका हुन् । नेपाल कम्युनिस्ट पार्टी नेकपा ओली समूहको अखिल नेपाल स्वतन्त्र बिद्यार्थि युनियन अनेरास्ववियू र राष्ट्रिय युवा सङ्घ कैलालीले विरोध प्रदर्शन गरेका थिए ।

उनीहरूले हाम्रो देश हाम्रो स्वाभिमान, प्राण भन्दा प्यारो छ , भारतीय कम्फटटेवल सरकार चाहिँदैन, हाम्रो लिपुलेक हामीलाई दे तिम्रो प्रचण्ड लैजा, जनता पक्षमा बालुवाटार भारतको पक्षमा खुमलटार लगायत नारा लेखिएका प्ले कार्ड समेत प्रर्दशन गरेका थिए ।
प्रर्दशन पछि आयोजना गरिएको कोण सभामा मिलन ओली, शिव चन्द, धनञ्जय कठायत, हेम सापकोटाले मन्तव्य दिएका थिए । उनीहरूले नेकपाका अध्यक्ष पुष्प कमल दाहाल प्रचण्डले दिएको अभिव्यक्तिले राष्ट्रको सिर झुकाएको बताए। 

विरोध सभाको सञ्चालन अनेरास्वब्यूका कैलाली जिल्ला सह संयोजक बिराज पाण्डेले गरेका थिए।

Leave a Reply

Your email address will not be published. Required fields are marked *