July 19, 2021

पत्रकार चन्दले गरे जन्मदिनको अबसरमा अक्षय कोष स्थापनाका लागि आर्थिक सहयोग

बिक्रम खड्का/डोटी

रेडियो वडिकेदार डोटीमा कार्यरत पत्रकार तथा सञ्चारकर्मी एकेन्द्र चन्दले ‘तेजु स्मृति अक्षय कोष’ स्थापनाका लागि आर्थिक सहयोग घोषणा गरेका छन् ।
प्राइम टेलिभिजन जिल्ला सम्बाददाता तथा प्रेस युनियन डोटीका सदस्य समेत रहेका चन्दले आफ्नो जन्मदिनको अवसरमा ५ हजार १ सय ११ रुपैंया सहयोग गरेका हुन् ।
नेपाल प्रेस युनियन डोटी शाखाका संस्थापक अध्यक्ष स्वर्गिय तेजबहादुर खड्का(तेजु)को स्मृतिमा डोटी शाखाले यो कोषको स्थापना गरेको थियो ।

प्रेस युनियनले स्वर्गिय पत्रकार खड्काको स्मृतीमा अक्षयकोष स्थापना गरी सो कोषबाट राष्ट्रिय पत्रकारिता पुरस्कारको स्थापना गर्ने लक्ष्य लिएको छ । जसका लागि शाखाले विभिन्न व्यक्ति, संघसंस्थाहरुसँग सहयोगको आह्वान गरेको प्रेस युनियन डोटीका अध्यक्ष प्रकाश बमले बताए ।

पत्रकार खड्का बाजुराको बुढीनन्दा धार्मिक तथा पर्यटकीय स्थलको रिपोर्टिङ्ग गरेर फर्किने क्रममा बेपत्ता भएका थिए । बेपत्ता भएका खड्काको तीनबर्षपछि मात्रै कंकाल भेटिएको थियो । जसको डिएनए र घटना स्थलमा भेटिएका सामग्रीको आधारमा उनको मृत्यु भएको पुष्टि भएको थियो

Leave a Reply

Your email address will not be published. Required fields are marked *