August 16, 2021

हामिलाइ जोखिम भत्ता खै ?: बर्दगोरियाका स्वास्थ्यकर्मी

सेवा प्रवाह तिमिहरुको नियमित काम हो : गाउँ सरकार

साउन ३२,

कैलालीको बर्दगोरिया गाउँपालिकाका स्वास्थ्यकर्मीहरुले जोखिम भत्ता नपाएको गुनासो गरेका छन् । स्वास्थ्यकर्मीका अनुसार कोरोना संक्रमणको पहिलो चरणमा जोखिम भत्ता पाएको भएपनी गत बैशाख १६ गते पछि भने सरकारबाट कुनै पनि अतिरिक्त सेवा सुबिधा पाएका छैनन् ।

कोरोना संक्रमणको उच्च जोखिम हुँदा समेत स्वास्थ्यचौकी मार्फत आफुहरुले नियमित सेवा प्रवाह गरेकाले सरकारले जोखिम भत्ता उपलब्ध गराउनु पर्ने उनिहरुको माग छ । बन्दाबन्दीको अवस्था भरी पालिका तथा वडाका कर्मचारीहरुले घरमै बसेर नियमित तलब पाएका छन । एक स्वास्थ्यकर्मीले भने,…. “बिधालय बन्द छन तर शिक्षकहरुले पनि तलब पाइरहेका छ्न । कसैले काम नै नगरी तलब पाएका छन भने आफ्नो ज्यान र परिवारलाई समेत दाउमा राखेर सेवा प्रवाह गर्ने हामिहरुले किन जोखिम भत्ता नपाउने ?” २०७८ साल असार २ गते बसेको गाउँकार्यपालिकाको बैठकले स्वास्थ्यकर्मीहरुका लागि अतिरिक्त सेवा सुबिधा दिने निर्णय गरेको भएपनी हाल सम्म कार्यान्वयन भने नभएको उनिहरुको दुखेसो छ ।

गाउँपालिकाका स्वास्थ्य शाखा प्रमुख कृष्ण देब जोशिले पनि स्वास्थ्यकर्मीहरुले जोखिम भत्ता पाउनु पर्ने धारणा राखेका छन् । स्वास्थ्य संस्थाबाट सेवा प्रवाह गरे बापत जोखिम भत्ता दिने भन्ने सरकारको निर्णय वा परिपत्र त छैन । उनले भने,…. “अवस्था हेरि गाउँ सरकारले अतिरिक्त सेवा सुबिधा दिदा राम्रै हुने थियो ।” तर दोस्रो चरणमा कोरोना रोकथामको अग्रस्थानमा स्वास्थ्य चौकिका कर्मचारीहरु परिचालन नभएको उनको भनाइ छ ।

यस्तै यता गाउँपालिकाका प्रमुख बलिराम डगौरा थारुले भने स्वास्थ्य चौकिका कर्मचारीलाई जोखिम भत्ता दिने बारे गाउँ सरकारले कुनै निर्णय नगरेको बताएका छन् । आइसोलेसन, क्वारेन्टाइन, कोभिड अस्पताल, कन्ट्रयाक ट्रेसिङ्ग लगायतका काममा परिचालन भएका स्वास्थ्यकर्मीलाई जोखिम भत्ता दिने गाउँ सरकारले निर्णय गरेको हो । उनले भने,… “नियमित सेवा दिने स्वास्थ्य चौकीका कर्मचारीका लागि होइन।” संक्रमणको पहिलो चरणमा प्राय सबै स्वास्थ्यकर्मी कोरोना रोकथामको अग्रस्थानमा परिचालन भएकाले सबैले भत्ता पाएको र दोस्रो चरणमा त्यस्का लागि छुट्टै कर्मचारीको ब्यवस्था गरेको उनको भनाइ छ ।

तर स्वास्थ्यकर्मीहरुले भने कोरोनाको उच्च जोखिमका बिच नियमित सेवा प्रवाह गरेकै कारण धेरै स्वास्थ्यकर्मीहरु संक्रमित हुने क्रम बढेकाले जोखिम भत्ता पाउनै पर्ने माग गर्दै आएका छन् ।

Leave a Reply

Your email address will not be published. Required fields are marked *