कैलालीमा दुई ओटा मोटरसाइकल एक आपसमा जुद्धा एकजनाको अस्पतालमा मृत्यु भयो भने एक जना घाइते भएका छन् ।
चैत्र १६ सुखड ।कैलालीमा दुइ ओटा मोटर साइकल एक आपसमा जुद्धा एक जनाको ज्यान गएको छ भने अर्का एक जना घाइते भएका छन । जिल्लाको कैलारी गाउँपालिका ५ पवेरा बजारमा गएराती मोटरसाइकल पल्टिदा एक जनाको मृत्यु भएको छ भने अर्का एक जना घाइते भएका हुन ।से ३ प २२ ५२ नम्बरको मोटरसाइकल र से ३ प ७४ ५१ नम्बरको मोटरसाइकल गएराती सवा नौ बजे आपसमा ठोक्किएका थिए । मृत्यु हुनेमा २२५२ नम्बरको मोटरसाइकलका चालक कैलालीकै भजनी नगरपालिका ८ का २५ वर्षीय सुमन चौधरी रहेका छन् । धनगढी स्थित सेती प्रादशिक अस्पतालमा उपचारको क्रममा गएराती नै उनको मृत्यु भएको छ ।सोही मोटरसाइकलमा पछाडी सवार व्यक्ति र ७४५१ नम्बरको मोटरसाइकलका चालकको सेती प्रादेशिक अस्पतालमा उपचार भइरहेको छ ।
