बैशाख १९ ।
भोलि सोमबार बस्ने तय भएको मन्त्रिपरिषद् बैठक आजै अपरान्ह बस्ने भएको छ। प्रधानमन्त्री केपी शर्मा ओलीले आज अपरान्ह ४ बजे बस्नेगरी बैठक बोलाएको हुन् ।
स्रोतका अनुसार प्रधानमन्त्री निवास बालुवाटारमा बोलाईएको बैठकबारे कुनै एजेण्डा खुलाइएको छैन । आजको बैठकमा कोरोना महामारीमा छलफल र निर्णय हुन सक्ने स्रोतको दाबी छ। बैठकले महामारी रोकथामका लागि सिसिएमसीले गरेका सिफारिसमा समेत निर्णय लिने छ ।
आजको बैठकले जारी निषेधाज्ञामा कडाई गर्दै हवाई उडानको बारेमा समेत निर्णय गर्ने अनुमान गरिएको छ ।
