१५ असोज कैलाली –कोभिड १९ कोरोनाको मारमा परेका अति विपन्न परिवारलाई घोडाघोडी नगरपालिकाका केहि स्थानीय युवाहरुले राहत बाढ्ने कार्यक्रम ल्याएका छन् । ‘केही नहुनेहरूको लागि हामी छौ’ अभियान सुरु गर्दै उनीहरूले राहत बितरण गरिरहेका हुन् ।
केहि रकम आफै र केहि दाताहरुको सहयोगमा राहत बढिरहेको उनीहरुको भनाइ छ ।
उनीहरूले स्व स्फूर्त समूह बनाएर राहत बढिरहेका छन् । समूहमा घोडाघोडी बहुमुखि क्याम्पसका पूर्व प्राचार्य लक्ष्मीप्रसाद भट्टराई, राष्ट्रिय कलेजका प्राचार्य कर्ण भण्डारी, घोडाघोडी उद्योग वाणिज्य सङ्घका पूर्व उपाध्यक्ष होम आचार्य व्यापारी ठक्मन बोहरा र बिद्यार्थि धमेन्द्र विष्ट रहेका छन् ।
उनीहरूले अहिले सम्म १० परिवारलाई राहत बाढेको जनाएका छन् । बर्दगोरीगा गाउँपालिकामा अति विपन्न एक परिवारबाट उनीहरूले सहयोग कार्यक्रम सुरु गरेका हुन् ।
वैदेशिक रोजगारीमा गएका बेला श्रीमान्को मृत्यु भएपछि बिचल्लीमा परेको नपर्ता बिकको परिवारलाई ४१ हजार रुपैयाँ सहयोग गरेका थिए ।
‘३१ हजार हाम्रै पहलमा इन्द्रेणी कार्यक्रम र १० हजार हामीले सहयोग गरेका हौँ’ लक्ष्मि प्रसाद भट्टराईले भने ‘उक्त रकमले उनलाई निकै ठुलो सहयोग भएको छ ।’
स्थानीयको समूहले घोडाघोडी नगरपालिका ५ मा केहि दिन अघि ६ परिवारलाई १८ हजार बराबरको खाद्यान्न सहयोग गरेको भट्टराईले बताए । साइप्रसमा रहेकी जानकी बोहराले रकम पठाएपछि आफूहरूले सहयोग गरेको उनले बताए ।
बिहीबार उनीहरूले घोडाघोडी नगरपालिका ५ मा रहेकी आइते दमाई र सरूँ टमट्टाको परिवारलाई पनि १० हजार बराबरको राहत दिएको छ । उक्त रकम चितवनबाट बालकृष्ण बर्तौलाले सहयोग गरेका थिए ।
केही नहुने हरूको लागि हामी छौ भन्दै सुरु गरिएको अभियानमा जोडिने क्रम बढेको घोडाघोडी उद्योग वाणिज्य सङ्घका पूर्व उपाध्यक्ष होम आचार्य बताए ।
‘अझै धेरै व्यक्ति २ छाक सहज ढंगले खान पाएका छैनन्’ उनले भने ‘हामीले धेरै भन्दा धेरैलाई राहत बढ्ने योजना गरेका छौँ, हेरै सहयोग कतिको मिल्छ ।’
